ملتقى العتبان
مناسبة القصيدة/ قالها الشاعر في حفل اللواء ابن ملافخ الدلبحي في مزاين قبيلة عتيبه بحضور مجموعة من أصحاب السمو
على بحـر القصيـده بابـدع المعنى على القيفـان وأبا نـقـِّي مـن الألفـاظ والأبيـات أبـازنها
بعـد ماجـتني الدعـوة مـن أهل الطـايلة والشـان يشـرفني وجـودي مع عتيبه في مزاينها
يشـرفني وجـودي عـندهم فـي ملتـقـى العـتبـان شغــاميـم الـرجال اللي فعـايلها تبـرهـنها
بـعــد ماخـلّـو الصحـراء عـقـود وكـلهـا بـنـيـان بيوتٍ عالـيـه تـذهـل عيـون اللي يعـاينها
ماغير يفوح فيها العود الأزرق مع شذى الريحان بها صفـر الـدلال اللي شقار الكيف زينها
بـها كـل ٍ يـرحِّب بالضـيـوف ويـكـرم الضـيـفـان ولا يحـسـب مخـاسـير الكـلافـه لو تدينها
أهل هـيبه وأهل عزه وأهل سطوه على العدوان وأهل نخوه وأهل فزعه لمن فالوقت يزبنها
هم أهـل الإبل وأهـل الوافيه من ماضي الأزمان يزين بمدحهـم بيت القصيـدة يـوم ألحنها
بـدون قصـور في باقـي قـبايـل نجـد أو حـقـران تـرى كـل القبـايل منبـع النامـوس يقرنها
وأنـا مـن لابـةٍ فـي صفحـة العـليـا لهـم عـنـوان قـبيلة حـرب ربعي مجدها التاريخ دونها
أقـوله عـند شيخ شِـيخـته تـشهـد بـها العـربـان سـلايل عِـزوةٍ كـلٍ شهـد في طيب معدنها
مـحــل ألاد دلــبـح بالـمـواقــف كـلهـم شجـعـان تِحِيـر أبيات شعري لو أعدد في محاسنها
لكـن أرجو السمـوحة كان فالأبيات جاء نقصان ماغيـر مشاركة مني بسيطة قمت ألحنها
تاريخ الاضافة:
22/06/2011 
الزوار: 1407
الصفحة الرئيسية 
مـكتبة الصــــــور 
ســيــرة الـشـــاعـر 
خــواطــر شعـريـة 
اتـــصـــل بــــــنـــا 