هذه المحاورة جرت بالشات الصوتي يوم الثلاثاء الموافق 25 - 11 - 1431هـ في منتديات قبيلة حرب الرسمية بين الشاعر محمد الجميلي والشاعر فلاح بن صياف
محمد الجميلي/
سـلام ياللـي حـاضـرٍ للشـات تبغـى تستمـع في منتدى حرب الرجال اللي ينومـس فعلهـا
اللـه جمعــنـا يافـلاح وكـلـنـا حـرب وربــع عـطـنا عـلومـك يـاولـد صـيــاف باللـه كلـهـا
فلاح صياف/
يامرحبا ياللي علـى الطـالات دايــم تجتمـع ربـوعـنا حــرب الـكــرام اللـي يضلـل ضـلهـا
اسـمـع كلامـي يامحمـد والجماعـه تستمـع حـنـا رجـال الـمـعــرفــه كـل العـقــود نحـلهـا
محمد الجميلي/
أقـول يـارجـال مـادام إن لـك صـوتٍ صـدع سَــــر المعـانـي بيننـا لـكـن لـزوم إفـطـنـلـهـا
العـام سلك الكهربا ياصـل وذالحيـن إنقطـع ياللـه لعـلـه هالسـنـه كــل الـقــرى ياصـلَّـهـا
فلاح صياف/
أنتـه وأنـا شعــَّار والميـدان واسـع مِتســع واللي عـيـونـه صـاحــيـه كـل الـدروب يدلهـا
العام نور الحق يامحمد على الديـره سطـع مـنـتــه بلاقـيـلـك ديـــارٍ هـامــلــه تـحــتـلـهـا
محمد الجميلي/
أنا أدري إن الشعر في داخل ضميرك منطبع لكـن حـروف المـطـبعـه قَــل الحـبـــر مـابلَّهـا
أقــول صـبـرك ياولـد صيـاف حـذرا تندفـع وإن كـان زعَّـلـت الجمـيـلـي قـال باللـه خلهـا
فلاح صياف/
أنا حفظت المال كلـه وأنـت ضيعـك الطمـع بكـره ليـا قابلـت روس الـقــوم وش تعـمـلَّهـا
بعطيك فرصه وإعرف الهرج الصحيح من الدلع لـكـن مـاضـنـك حـــدود المـمـلـكـه بـتــزلـهــا
محمد الجميلي/
اللقمـه اللي فـي فمـك كبرت ولاتقوى البلع مـادام مـاتـقــدر عـليـهـا فـي يـمـيـنـك تِـلـهـا
الحـمـد لله فرصـةٍ وحــده ودلـتـك الـســنـع والفرصـه اللي مع مثل شـرواك كيـف أملهـا
فلاح صياف/
حظي كبير ورزقي أكبر يوم غيري ماشبـع لـكـن خـل نـفـوس عـدوانـي تـمـــوت بغـلهـا
يالله عسى حض الجميلي بالمواقف يرتفـع يَنقـض بـيـوت خـصامـنـا وإن غَيـرت يفتلّهـا
تاريخ الاضافة:
18/06/2011 
الزوار: 2422
الصفحة الرئيسية 
مـكتبة الصــــــور 
ســيــرة الـشـــاعـر 
خــواطــر شعـريـة 
اتـــصـــل بــــــنـــا 