محاورة كتابية بين الشاعرين محمد الجميلي و تركي الشيخ
محمد الجميلي/
سـلام رديـة وفـا تـزمي كمـا مـوج البـحـر وليا زمـا موج البحـر ما كـل واحـد يسبحـه
الـشجـرة اللـي ظـلها ظـلل ومـليـانـه تـمـر أشــوف تركي مابغـى مـن تـمرها لو إبْلَحـه
تركي الشيخ/
يامرحبـا والليلـه المعـنى على سطح القمر وحنـا سـوات البحـر لكـن البحر من ينطحه
حنا غرسنا الشجرة اللي ظللت فوق البشر يالتاجر اللـي راس مالك مكسبـك لو تربحه
محمد الجميلي/
أنته تواعـدني ولا شفناك جيت من السفـر تقـول أنا شـاعـر ولا شفتـك تهـز المسبحـه
غـرستم الشجـرة وجينـاها وقطعـنا الثـمـر والعـلـم الآخـر ياعـميـلي مـابغـينا نشـرحــه
تركي الشيخ/
أنا وعـدتك والوعـد مازال واصبر وانتظـر الزند وقـت القـدح فـي راس الفتيله نقدحـه
علمـك طبيعـي ميـر يبقى بيننا وجهة نظـر حـذرا تجـاوز حـدك اللـي راسمـه لاتشقحـه
محمد الجميلي/
أنا انتظـرتـك مـار ياتـركي نفـذ كـل الصبـر إليا متى وأنته تحت راسك فراش ومطرحه
العـلم الأول مانسيتـه لايضيـق إبك الصـدر نبا نـطــق البــاب يـالـيـن المعــزب يـفـتحـه
تركي الشيخ/
أبلشـتـنا وأشغـلتـنا لـكـن أبعـطـيـك الخـبـر أنـا ليـا جـيـتـك تـوقــع دورتـك بـالمـروحــه
السـاحـر اللـي تالي الأيـام يعـمـل بالسحـر أنـتــه تــذمــه يـامـحـمــد والأوادم تـمـدحــه
محمد الجميلي/
اللـي رجـولـه حافيـه لعلها تـاطـى الجـمـر الـنـار لـو تحـرق ثـيـابـه مـاوراها مصـلحـه
الساحـر اللـي صار تاجر ذابحه قبل الفقـر مـانـي محمـد كـان مااخليـه يقـلب مشـلحــه
تركي الشيخ/
ياللـي تشيـل البندقـيه والـجـنـازه بالـقـبـر ياكبـرهـا ياعبـرهـا كـان الهـدف ماتطـرحـه
المشكله بالكافـر اللـي مايتـوب عـن الكفـر شيب عقـول النـاس ليتـك يامحمـد تنصحـه
محمد الجميلي/
لاتقـرب البنـدق تـرى كـل الذخيره بالكمـر والحمـد لله لابـسيـن الأوسـمـه والأوشـحـه
لاتلتفـت للكافـر اللي يتبـع إبـليـس الـعـور أفلـح ياتركـي طـال عمـرك مع رجالٍ مفحه
تركي الشيخ/
الكاس عندي والنتيجـه ستـه مقابل صـفـر هذي خلاصه والسوالف لاتشرشح شرشحه
مادامها وصلت عـلى ماقيـل لاحـد الخـطـر إنـكـان تـقـدر تـذبحـه باللـه عـجـل وإذبـحـه
تاريخ الاضافة:
18/06/2011 
الزوار: 4552
الصفحة الرئيسية 
مـكتبة الصــــــور 
ســيــرة الـشـــاعـر 
خــواطــر شعـريـة 
اتـــصـــل بــــــنـــا 