درَّة الإبداع

مناسبة القصيدة/ قالها الشاعر بالمرحلة ما قبل النهائية في مسابقة شاعر الجمهور في دولة الكويت

سـلام الله على شعب الكويت وشاعر الجمهور      سـلام الله على دار الصـباح ومن سكن فيها

سـلامـي ياسـلامـي مـا يكـفـي للـسـلام سـطـور      لـو يـوزَّع عـلى شبه الجـزيـره كـان يكفيها

عـلـى دارٍ مَـلَكـنـي حـبـهـا وبحـبـهـا مـغــمــور      أبمدحها عـسى عـين الحسود العُـود يعميها

وأنا عـن مَـدحة اللـي يستحقـه مـاني بـمعـذور      مـدام إن الـكـرم فـيها وكـل الطـيب حـاويـها

وأبشكـرهم على حِسن الضيافة والله المشكـور      وأبـسـبـح بالمـعـانـي وآتـنـقـى ثـم أغـنـيـها

يقولون الشعـر معـنى يقـولون القصيـد شعـور       وأنا مـااكتب قـصيدة غير أدقق في معانيها

أحاسيس الشعـر عـندي ولأبيات القصيد بحور       لـيا مني سبحـت بحـورها طـلَّعــت خـافـيها

أبظهـر درة الإبـداع وأهـدي عـقـدها المـنـثـور     على الجمهور واللجنة وأبفخرعند مـااهديها

مثـل ما يـظهـر العـلة جهـاز إشـاعـة الدكـتـور       وأنـا دكـتـورها بـإذن الـولـي اللـي يـداويها

حضرت أشارك إخواني ولارِيدِه ماغير حضور      طـمـوحي فـوق للعِــلـيـا وبـإذن الله راقـيـها

ما دام اللجـنه تـقـيِّم قـصـيدي خاطـري مسرور      أسـاتـذةٍ عـلى النقـد الصحيح تفـيد ناصيـها

لهـم بالتجـربه قبلي سـنيـن ومقـتـفـيها شهـور      صـراحـه ياجـماعة تـسـتحـق اللـي يحـيِّـيها

وإذا صارت مواقـيف وحمـيَّـه بيـرقي منـشـور      أنا ربـعــي تـهـز الأرض لالجَّـت عــزاويـها

أنـا حـربـي ولد حـربـي ولانـي بآخـر الطـابـور      أنا مِـقـدامـهـا لاعـجـعـجـت مـانـي بـتـاليـها

أنـا لـي عـزوةٍ وقـت الـشـدايـد فـعـلها مخـبـور      لـو أعــدِّد فعـايـلهـا صعـيب العـد يحـصـيـها

ضـربنا أمـثال بالخـوَّه ضربنـا بالوفـا والـشـور      عـلى عِــز وكـرامـه كل حاضـرها وماضيها

تـرى ماقـول فـي كل القبـايـل والجمـيع قصـور      أنا مـن دون حـدِّي والقـبـايـل دون عـانيـها

بلـدنـا كـلنـا وحــده تحـت رايــة حـمـاة الـكــور      نعـيـش بخـيـر وبأمـن ونعـادي مـن يعاديها

ولا نرضـى يخـرِّبها هـل البهـتـان وأهـل الزور      مغـيـر أشِّـر يابـومتعــب تـرى بالـدم نفديها

حضرت من السعـودية طموحي ماهو بمحصور     أمـثـِّـل داري وداري بـوسـط القـلب مِغـليها

بـلد شعـر وبـلد عِــز وبـلد مجـد وبـلد دسـتـور      لك اللـه لـو فــديت الـروح عـنها مـاأوفـِّيها

ورى مااعزها وأرضـي سطع منها وشع النور      عـسى الله يحفـظ ديار السعـود بظل حاميها