محاورة كتابية بين (ناصح) و (مدخن) من تأليف الشاعر محمد الجميلي

الناصح/

هـلا يامـرحبا باللي ينـومـس منهـو يخاويـه           لو إنه ياخـذ إبَّـعـض الـنصايـح ويـتـتـبـعـهـا

عـلومـه كلـبـوهــا طـيـبـه ونـعــزه ونغـلـيـه           وله عـنـدي محـبة ثـابـتـه بالـقـلــب زارعها

المدخن/

يدوم إبك البقـا ياللي تقـول وقـولكم نوحـيـه            لو إنك تفـصـح الفكره عـشان أفهم مرامعها

أنا أشوف إن في خاطرك شيٍ خاطرك مبديه          وأنا لاجاتني منك النصيحة ليش مـااسـمعهـا

الناصح/

أنا مـاعـنـدي إلا ياصـديـقي كلمـة وتوجـيـه           أبيـك إتـوب عـن شــرب الـزقـاره ماتـولعـهـا

ترى الدخان بأنواعه يضـر وصاحبك يوذيه           خـسـاره بالعـمـر والمال والإسـلام مـانـعـهــا

المدخن/

كلامـك يازميـلي واضـحٍ ماني مـشـكك فـيـه            لكن المـشكلة فالنفـس مدري كيـف أبـقنعـها

أجزِّمهـا وأحاول وأتصـبَّـر قـدمها ماطـريـه            ولامـنِّي تذكرتـه تصارعــنـي وأصـارعــهــا

الناصح/

تـرى نفـس البنادم تامـره بالشـر مـاتنجـيـه            تحـصَّـن في كـتاب الله ونـفـسـك لاتطاوعهـا

وادع ربك وصوم وصل فرضك وإحذر تخليه          وربِّـي ماخلق نـفـسٍ بهـالدنـيــا وضـيَّـعــهـا

المدخن/

أجَــزم نـفـسـي ونـفـسي ليا عافته ماتبغـيـه             طلع واحد من أصحابي وقال النفس متعـها

يقـول إعدل مزاجك والزقاير راسـك تصفيه             تنسـيك الهمـوم اللي على صدرك مجـمعـها

الناصح/

ليا مِنه ومـرك بشَْـر ماهـو صاحب تسـميـه             عدوٍ كاتب الأحقـاد في نـفـســه وطـابـعـهــا

أبَحـذرك هـذا لاتـطـيـعــه وإحــذر تمـاشـيـه            معـك عـقـلٍ يفـرق بيـن شاريهـا وبـايــعـهــا

المدخن/

أنا بوعـدك بإذن الله بعـدهـا مانـي بشـاريـه             وأبعـلن حرب للي  ينتجـونـه ثم أقـاطـعـهــا

وأبنصح كل من شفته من أصحابي وأباوصيه          وأقـول أيامنا اللي روَّحت نبغـى نـودِّعــهــا